15 49.0138 8.38624 1 0 4000 1 https://wyrta.com 300 0

Kwah u CEM ka KHADC wow yaklam ki seiñbhalang ya ka ILP wa ka sorkar MDA

0 Comments
Advertisement ad1

Shillong: U Chief Executive Member (CEM) ka KHADC, u Hispreachingson Shylla da ong u wa ki seiñbhalang toh u yaklam ki wa ka sorkar MDA wow pynkrehkaam ya ka ILP wa da mynjur da ka KHADC lyngba ka Resolution ka United Khasi Jaiñtia Hills District (Application of Law 1952) kawa u lat da ekti u, ka Bengal Eastern Frontier Regulation, 1873 kawa da chim wei pynwandur ha ka KHAD (Inner Line as adapted from the Eastern Frontier Regulation, 1873) Regulation Bill, 2018.

U Shylla da ong u yeini hadien wa ka sorkar MDA da khut ko ya ki 13 tylli ki seiñbhalang wow yaklam hajrong ki laad wow yada nei wan psiah ki baar jylla cha kani ka jylla, ka wow man ha ka 15 tarik uni u bnai.

Da ong u wa ka sorkar MDA ymtoh u bood ko yeiwa da wanrah ka sorkar MUA-II, ka Meghalaya Residents Safety and Security Act, 2016, neibhah kani ka aiñ da yah bakla ko wei ymchah ko wow pynthut yei wan psiah ki tre ri India.

Da ong wa i maa wa yang toh nei wan psiah kiwa na baar jylla bar ya kiwa na baar ri.

0 Comments

Leave a Reply