Kwah u Manstudy wow beh seiñ ya u MDC ka Congress wa lai kyrchaan ya u CEM ka KHADC

Shillong: Uwa yahkhmat ka Congress ha KHADC, u Manstudy Nongrem da ong u wa ka PP ka da dep phah ko ya ka chithi cha ka MPCC hajrong i thmu yong u Jansing Tynsong, MDC ka Congress na Pynursla wow kyrchaan noh ya ka Executive Committee wa yahkhmat da u Pynshngain N Syiem.

Da ong u leh wa ka MPCC ym pu em e ko ya i jubab hei yatoh wa ini wei da ong u leh wa katkam wa sńiawthooh u wa da toh u beh seiñ noh ya u MDC ka Pynursla neidaw ki kaam leh pyrchah u ya ka Party wei da thmu u leh wow psiah noh cha ka NPP.

U Manstudy da ong u wa Jansing da ong hi u wa dang em u waka Party tangwa ymtip won cheiwon ka liang u chong u ha ka dorbar tlang ka KHADC.

Ha iwi tawon i liang uwa yahkhmat ka Congress da ong u wa ka liang synchaar ha KHADC ka jooh ap ko du ki phang yatai wa wanrah ka liang pyrchah wei neiliang yong ki ym jooh ye ko u wanrah iyi iyi leh neibhah ya ka dorbar tlang ka EC da booh ko wow pynman dorbar du ar sngi donhi.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da ong u leh wa kam ka liang synchaar toh u wanrah ko ya ki phang wa kammon u chna aiñ kamjooh u pynkhlan ya ka aiñ wa kiwi kiwi de ki kaam.

Chooh Chooh da ong wa neiliang ka party ka ym chimbynta ko ha ka No Confidence Motion wa wanrah u Adelbert Nongrum, wei da leh ya ini neidaw wa u Adelbert ym em khut yachem u ya ka liang pyrchah hei yatoh wa i thmu yong oo.