Kwah u MB Rymbai wow chna aiñ chongkha kawa sariem wa ka yong ka KHADC

Jowai: Ka Consultative Committee (CC) wa da chna da ka Executive Committee (EC) ka Khasi Hills Democratic Alliance (KHDA) kawa synchaar hapoh ka Khasi Hills Autonomous District Council (KHADC) ynne ka sngi da wan yachem ko ya u CEM ka JHADC wow yaklam chaphang ka aiñ Lineage Act ka KHADC neibhah da kam wa ki Khasi wa ki Jaiñtia man ki kawi ka jaitbru wei emkaam wa ha ka JHADC u em ko ka jooh ka aiñ kawa ya sariem lang waka KHADC.

Hawa yaklam wa kiwa pathai khubor hadien ka yalang, u CEM ka KHADC u HS Shylla da pynsñiaw u yei sñiawkmen wa u CEM ka JHADC u MB Rymbai leh da pyntip u wa da em u leh i thmu wow chna kam kani ka aiñ.

U Shylla da ong u wa ym lai ki cha ka GHADC wow paan na ki leh wow chna ya kani ka jooh ka aiñ neibhah ki ymtoh ka jooh ka jaitbru wei manda ong Khasi kynthup ko ya u Khynriam, u Pnar, u Bhoi, u War  wa u Lyngam.

Neiliang u CEM ka JHADC da ong u wa nadooh nachwa hapoh ka Sixth Schedule da em chwa ka United Khasi Jaiñtia Hills Autonomous District Council wei hadien wa phiah ya ka leh em du i malu mala wa phær wei ka aiñ wa ye u pynmih leh ye ko u man kawa ya sariem.

Related posts

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

U phah ka India ya 7 ngut ki MP na waroh ki Party wow lai cha ka UN yow batai yei yieñ pyrchah ya ki Terrorist  

May 17, 2025

Chooh chooh da ong u wa da em i pyrkhat wow pynmih ya kani ka aiñ wei daw khut u ya ka yalang ka EC wow pyrkhat ya kani ka Lineage Act.

Ya u Shylla da wan syraan da ki dkhot ka CC u MDC ka Mawprem, u Aldelbert Nongrum, u Robert Kharjarin Legal Adviser yong u CEM wa u Erwin K Syiem Sutnga Legal Adviser ka Executive Committee ka KHADC.