Kylla Politics i e yarap cha kiwa chah ktah nei chlai um ha Garo Hills

Uwa yahkhmat ka National People’s Party (NPP) uwa man leh u Montri ha ka sorkar MDA, u Rakkam A Sangma da ong u wa i pynbaad u MDC ka BJP na Tura, u Bernard Marak hajrong i e yarap cha ki kiwa chah ktah nei chlai um ha Garo Hills toh iwa klam khynnah wei kawa yahbakla.

I yarap cha kitu kiwa chah ktah nei chlai um wei oor khyndaw ha Garo Hills da kylla Politics ko hadien wa u MDC ka BJP na Tura, da pynbaad u wa i yarap da e du cha kitu kiwa kohngooh wow lai psiah cha ka NPP.

U Rakkam uwa man leh kam u MLA ka Rongara Siju, da ong u wa i yarap wa da e cha kitu kiwa chem chitom toh khlem da kheiñ Party, wei da pynrap wa u Bernard toh wa pyrkhat u kam u bru cha baar na ka Party wa em u.

Da ong u wa ymtoh wow pynyakhleh yei yarap yong sorkar waka NPP neibhah wa man ki jar jiar, heiwa da ong u leh wa ka NPP da e yarap ko da ki tiar ki tar wa ki marbaam, wei wot ka Congress da e yarap ko, deiwa ong chooh chooh wa ka BJP leh toh u leh ko kamjooh.

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

U Rakkam da ong u wa deiwa yarap ya kiwa chem chitom ym mut wa toh wow kyrchaan ya ka Party deiwa pynrap wa ymtoh wow yaleh Politics ya kam kini ki kaam, neibhah man ko ka wym ye u pdiang.