15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kylla rong ka wah Ranikor neidaw wa tih Uranium : KSU – RC

0 Comments
Advertisement ad1
Advertisement ad1

Shillong : Ka KSU-Ranikor Circle hei yatoh wa i kylla rong ka wah Ranikor iwa jia nadooh u Kmaichonglad 2016 da suba ko wa ini da jia i na i daw wa tih (exploratory drilling) Uranium ka Atomic Minerals Directorate ha ki thaiñ West Khasi Hills.

Ha u snem 2010 leh da jia nyngkong ini i kylla rong ka wah Ranikor heiwa da ki hajar tylli ki dakha da yap lut ki.

I rong ka wah da kylla i na i rong bneiñ cha i rong yirngam wei da ong wa ka wah da man ko kawa da yap heiwa kiwa khwe leh da dam ki u khwe na kani ka wah wei da kyrriah ki cha ka Wah Rilang kawa dang im.

Ka KSU leh da ong ko wa da em da ki spah tylli ki thlu wa tih Uranium ha ka khloo Porkut ha West Khasi Hills wei da kyntu ki leh ya ka sorkar jylla yow phah ki ya ka AMD wow pyndap khyndaw noh ko ya waroh kini ki thlu. Heipor wa slap ki um wa mih na kini ki thlu tih Uranium poi ki cha ka wah Ranikor.

Neiliang u DC da phah u ya ka Meghalaya State Pollution Control Board (MSPCB) yow pynman ki da ka takit yow chem tre yeini waroh.

Ka KSU leh da ong ko wa ini i kylla rong ym toh neidaw wa leh u mooyong neibhah ya u mooyong da slem tih ki ya oo wei ym em jia iyi iyi leh ya ka wah.

Share this:
Previous

Ka rally wow psiah kaam Territorial Army

Next

Waroh ki niam ye ki u embynta ha ka chaad Rongkusi