15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Waroh ki niam ye ki u embynta ha ka chaad Rongkusi

0 Comments
Advertisement ad1

Jowai : Ka chnong Nongbarehrim ynnin ka 17 tarik da pynman ko ya ka chaad Rongkusi kawa chisien chi snem. Ha kani ka chaad Rongkusi da chimbynta da ka Nongbareh, ka Nongbareh Lyntiar wa ki marjan chnong ha madan ka chnong Nongbareh.

I rukom pynman ya ka Rongkusi toh wa heipor sngi u chimbynta chynrang ha ka ‘pastiah’ katwa ki  kynthai won sdang ki u hiarkjat ha ka madan yow chaad ‘kealang’ ha ka Rongkusi chisein da sdang ka sngi u noh wei da chaad ki hadooh wa che.

Ki paidbah wa wan paitke jooh pyndaiñ poisa ki ha ki sula kiwa chaad wa kynthup ya chynrang wa kynthai kam i dak wow yaroh ya kiwa chimbynta ha kani ka Rongkusi.

U Dolloi ka Nongtalang Elaka u Chui Lamin Ponlynjar ong u wa ka Rongkusi phær ko na ka Rongkhli, ka Rongpyrtuh, ka Rong Chohrngiang, ka Rongsynriang næ ka Rongphor neibhah ki man ki ki rong niam katwa ka Rongkusi won toh ka lehkhmen wa kiwon kiwon ye ki u chimbynta khlem kheiñ ya ka niam.

U Samuel Lamin Kadiang uwa da dep pynmih kot wa yatoh wa ka riti dustur kani ka thaiñ ong u wa neidaw wa ya ki chaad niam da jooh pynman teiñ khat kamtæ da sdang ya ka chaad rongkusi yow pynneh pynsah ya ka riti dustur yow lait ki khynroo khyllood u myllien ya ka pastieh wa ka chaad kealang.

Advertisement ad1

0 Comments

Leave a Reply