U MLA ka Meghalaya Pradesh Trinamool Congress (MPTC), u Dr. Mukul Sangma da klam kyllaiñ u hawa kylli lada daw psiah noh u cha ka Bharatiya Janata Party (BJP), heiwa da ong u wa ym khwah u wow ong iyi iyi leh ya ki khubor hamsaya neibhah ym kwah u wow pynduna ya kiwa pait YouTube ha ki Channel waphær waphær.
Kam wow pynkynmoo wa ha ki bnai wa da dep, da mih leh ha ki laad pathai khubor wa u Dr. Mukul da em i yaklam u wa kiwa yahkhmat ka BJP ha Delhi wei katkam ki khubor ha ki Social Media da ong leh wa kiwa yahkhmat na Delhi ym kwah ki ya u Dr. Mukul wow em ha ka BJP.
Da ong u wa toh iwa emkaam wow bichaar bha yei long i man wei i kylla ha ka saiñ pyrthai wa ki kylla wa daw mih ha ki snem wow wan wei kammon wow lai chakhmat wa ka thong yow chakri ya ki paidbah deiwa bha tam.
Da ong u wa i em boon ki rynsan ha ka saiñ pyrthai da man wa ki kam kiwa yahkhmat em ki yei sñiaw wow leh rap bha bar ya kiwi kamwa sñiaw kiwi kiwa yahkhmat.
Chooh chooh da ong u wa kamwa manlang kiwi kiwa yahkhmat, ka thong toh wow kreh neibynta wow pynku ya ka jylla wei lada ym ye u lai kamwa da thmu, daw hap wow pait won da kiwi ki laad yow ye u pynmankaam yei angnood ki paidbah.
Hawa ban u kylli lada daw psiah namo ym psiah u cha ka BJP, u Dr. Mukul uwa man u Montri Rangbah warim da ong u wa ym tip u iyi wow pyrkhat, heiwa da ong u wa lada em kiwa kwah wow yoo biang yeiyi wa da dep jia ha ki kajiak bnai wa da dep, neibhah waroh kwah ki wow yoo ya ka mynried kawa rap bha.
Discussion about this post