Kylli ka Ampareen ya kiwa boh wa lada em hi mo kiwa rap biang ya ka Agatha wow man kam ka Chairperson ka MSCCR

Ka Montri ka sorkar jylla, ka Ampareen Lyngdoh ynne ka sngi da ong ko wa ka Agatha K Sangma kawa man ka MP warim, man ko kawa toh wei kawa biang tam wow chimkti yei kaam Chairperson ka Meghalaya State Commission for Child Rights.

Hawa klam ynne, ka Ampareen da ong ko kammon u kyntait wa ka toh ka bru wa biang kawa dadep man MP la le sien, du neidaw wa emyatoh wei man ko chi payu para wa uwon uwon. Hanla wan ko na ka manyung wa em kiwa seiñ pyrthai, ki bru toh ki bru, ileh wa ki bru u woh nia ki yei chakri yong ka iwa da biang.

Da ong ko wa ham woh nia du neidaw wa wan ko na kawon kawon ka manyung wei ka Agatha toh kawa da biang, kawa da noh kyllooid cha ka imlang sahlang, kawa da man MP, sa iyi de dang kwah ki.

Kam wow kdaw heini wa ka sorkar da thung ko ya ka Agatha kawa man chi payu tre wa u Montri Rangbah ka jylla, u Conrad K Sangma yow man ko kam ka Chairperson ka Commission for Child Rights wei ini da wanrah ko yei woh nia na kiwa boon wa ka sorkar chim kabu ko du da kiwa manyung kiwa em ha ka sorkar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka Ampareen da ong ko wa dang em hi mo kiwa rap biang ya ka Agatha kawa angnood wow chakri ya ki paidbah ka jylla. Deiwa pynrap wa lada mynstep man kawi da thung da kiwa emyatoh wa ki Politician daw chah pynbaad wa yaleh ki chi yung donhi?

Da ong ko leh wa kwah ko wow kyrpaad ya ki paidbah wow sangeh u beiñ wei wow klam woh nia woh daw ya ka Agatha kawa da biang dor wow chimkti ya ini i kaam.