Jowai: Ka Ordinance wa da mynjur da ka sorkar jylla hajrong ka Meghalaya Residents Safety and Security Act (MRSSA), 2016 da wanrah yaka kam ka phang kylli haka Rajya Sabha ynne ka sngi da u Rakesh Sinha, MP ka Rajya Sabha.
U Sinha hei kylli yong oo wa da booh ha u Dr. Jitendra Singh, Minister of State (Independent Charge) of the Ministry of Development of North Eastern Region (DoNER) MoS PMO, Personnel, Public Grievances & Pensions, Atomic Energy and Space, da kylli u wa lada ka Ordinance ka sorkar Meghalaya wa hap wow Register ya ki bru wa psiah chapoh ka jylla man ko pyrchah yei hok ki tre ri wow uiñ wow lai ki hapoh ka ri katkam ka hok wa da e daka Constitution ka ri India wei lada man ko kam u moochynthut yaka kaam uiñke suwari ya ki jylla ka North East.
Ha i jubab wa e da u Dr. Jitrendra Singh da ong u wa ym em pynmih yaka Ordinance wow hap Register ya kiwa wanke chapoh ka jylla hadooh ynne ka sngi.
Kam wow pynkynmoo wa u Lat ka jylla ym pu em e u yaka muhor heiyatoh waka Ordinance kamtæ ym pu em u pynkrehkaam yaka.
Discussion about this post