Ka chnat Urban Affairs deiwa ya krehlang wa ki bor District ka East Khasi Hills, da ye ki wow kyrriah ya kiwa chongdai ha rood sarok ha ki thaaiñ Polo wa Jail Road deiwa pynkrehkaam ya ka Meghalaya Street Vendors (Protection of Livelihood and Regulation of Street Vending) Scheme, 2023.
Ini da leh hadien wa da ye wow kyrriah ya kiwa chongdai ha Khyndailad wa Civil Hospital.
Ya kiwa chongdai ha Jail Road da kyrriah cha ka thaw pynyieñ kari wa em mar pyrchah ka SBI katwa ya kiwa na Polo da kyrriah cha i thaw wa em hajan Matri Mandir, Polo. Nachwa kini kiwa chongdai ha Jail Road da chong ki nadooh na OB Shopping Mall hadooh Petrol Pump (MTC Complex) wei i thaw wa chongdai ki kattæ hajan SBI da chna kyrpang da ki dukan neibynta yong ki.
Ka thaw chongdai hajan ka Matri Mandir, Polo kawa em 132 tylli ki dukan (Stall), kamwa man kattæ da em 70 ngut kiwa da chong ki, katwa kiwa em won ha thaw pynyieñ kari wa em mar pyrchah ka SBI da em dang u 9 ngut kiwa chim na ki 79 tylli ki Stall. Da em leh 22 ngut kiwa chongdai ha Secretariat Hills wa IGP Junction kiwa daw kyrriah cha kani ka thaw hajan SBI ha ka 29 tarik uni u bnai.
Da pyntip wa chwa wow kyrriah da khut yachem 29 sien deiwa em i ya sñiawthooh wei da kyrriah ki leh khlem da pynemkaam dei bor.
Hapoh kani ka Scheme kiwa em ya ka Certificate of Vending (CoV) daw yoh yarap ki ₹20,000 deiwa su chwa ₹10,000 wei hadien won ₹2,000 chi bnai neibynta ki 5 bnai. Neibynta ka thaw wa em hajan SBI da em 65 ngut kiwa em CoV katwa ha Polo won da em 106 ngut kiwa em CoV.
Ya kiwa chongdai ha rood sarok ka thaaiñ Laitumkhrah daw kyrriah ki ha ka 17 tarik u bnai August wow wan.
Discussion about this post