15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ymtoh wow paan lang wa ka Vaccination Certificate hawa yaleh kreh sorkar: Adelbert

Advertisement ad1
Advertisement ad1
Advertisement ad1

U MLA ka North Shillong u Adelbert Nongrum ynne ka sngi hapoh ka Dorbar Synrai da wanrah u ya ka phang (Resolution) wa da kam u wa em i chah leh chiliang kiwa yaleh kreh sorkar neidaw wym pu em yoh ki yei tika yada na u COVID-19.

Da e nongmuna Ieh yei pynbna khut yaleh kreh ka sorkar da ka DC ka East Khasi Hills neibynta ka Swachh Bharat Misson heiwa da thoh che wa kiwa yalehkreh emkaam ki wow pynyoo ya Provisional Vaccination Certificate kamtæ da ong u wa ini mut i wa kitu ki wym pu em yoh tika ym ye ki wow yaleh kreh.

Advertisement ad1
Advertisement ad1

Da kdaw u leh wa yei tika ymtoh u pynbor heiwa ya ini leh da mynjur da ki yung bichaar ka ri. Wei ini i rukom pynbna kreh ka DC da yoo lakam i rukom pynbor ya ki paidbah wow chim yei tika heiwa ki bru ki wym pu bien u chim yei tika da em ki jar jiar ki daw. Wei i pynbor deiwa leh kam ini i jait toh iwa man pyrchah ya ka hukum ka Meghalaya High Court.

Da ong u leh wa hadooh i hok wow lai wan, u psiah cha ki thaw paidbah leh toh kiwa da chah ktah da ki hukum sorkar. Da kdaw u wa hadooh kiwa da dep yoh tika leh dang ye ki wow yoh ya uni u khñiang kamjooh wow rah pynpoor ya uni u khñiang kamtæ iyi yaphær kiwa da dep yoh tika wa ki wym pu em yoh tika. Deiwa kdaw wa ini i leh chiliang man ko leh kamwa tyngkheiñ ya ka Article 16 ka Constitution wow yoh i jooh i hok wow yaleh kreh sorkar.

Hawa e yei jubab hajrong ini, u Montri Rangbah ka jylla, u Conrad Sangma da ong u wa ha i pynbna paidbah wa lait kreh da thoh donhi wa da kyrpaad ya kiwa yaleh kreh wow e lang ya ka COVID Vaccination Certificate ym toh iwa pynbor wow leh ya ini wei em leh chiboon leh kiwa yaleh kreh ki wym em ya ka Vaccination Certificate wei ym em kyntait ya ki.

Chooh chooh da ong u wa ym jooh em pynbor wow chim yei tika tangwa da pynchlur donhi ya ki paidbah wow chim yei tika neidaw wa da em ka sabut wa pynyoo wa i tika yarap i wow yada, wei ym ware lada yoh leh ya uni u khñiang.

Hajrong ini i yalehkreh, u Conrad da pyntip u wa da em 418 ngut kiwa da yaleh ya ini i kreh wei chiteiñ (palat 200 ngut) na kiwa yaleh kreh ym em ki ya ka COVID Vaccination Certificate wei ym em kyntait ya ki.

Neiliang u Adelbert won da jubab u wa ym toh wow booh ya ini i kyntien COVID Vaccination Certificate neidaw wa da pynkulmar ko ya ki paidbah heiwa u Conrad da jubab u wa deiwa pait ya kiwa wan chakhmat wow yalehkreh ym em i kulmar ki paidbah.

Share this:
Previous

Kyllooid warr ki luti lai kjat ha Jowai

Next

Ymye wow yaklam yei dawa beh kreh wa dang em i hapoh i takit: Conrad