Kynjoh 14 snem ka NPP | Dang khlan kat dang lai luti: Prestone

Ka National People’s Party (NPP) ynne da lehwarom ko yei dap 14 snem ka seiñ hei emlang u Deputy Chief Minister, u Prestone Tynsong uwa da kynmoo ya ka luti wa da lai kamjooh i eh i khor wa maad hawa synchaar ya ka Meghalaya.

Kani ka sngi man ko leh kam ka sngikha uwa seiñ ya ka Party, u P.A. Sangma.

U Prestone da ong u wa da bna ka NPP nadooh wa sdang synchaar ya ka Meghalaya ha u 2018 heiwa da kynmoo u yeiwa eh wa khor wa da lai ko.

Da ong u wa ka lyngkor ka Party nadooh u 2018 dang boon wei dang khia ko neibhah wa hap yahluti ko ya ka sorkar deiwa e khublei leh ya u Blai.

Related posts

Da wai ya ka Shooting Range wa em ha West Jaiñtia Hills hei lut wa ₹1.25 klur

November 5, 2026

Ka Nursing College wei pynku kyrdan ya ka Laskein kam ka Sub-Division toh kiwa emkaam bha: Conrad

November 5, 2026

Chooh chooh da ong u wa ka Party katni da heh wei dang khlan ko khamtam hei kaam synchaar.

Ya ka NPP da sdang ha u 2012 da u P. A. Sangma dei thmu wow kreh neibynta i bha i miat wei i yooluti ki paidbah ka Northeast.