15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kynmoo maya tympang ka AJYWO ya u Kiang Nangbah

Advertisement ad1

Ka seiñ AJYWO East Jaiñtia Zone, hei yakhmat u khynroo Heatermoon Ryngkhlem, uwa man leh kam u President yong katai ka seiñ, ynne ka sngi da kynmoo maya tympang ko yei dap 158 snem yong ka sngi chah pasi yap yong u Kiang Nangbah, u khlawait wa khroo yong ka Ri Jaiñtia ha ka sorkar pharæng deiwa lai booh syntu how motdur sahkynmoo maya yong utai u khon dap-chynrang yong ka Ri Pnar, u motdur uwa da pynyieñ da ka seiñ AJYWO hi, how snem 2016, ha Khliehriat, ha pchem yong ka yung krehkaam yong u Deputy Commissioner yong ka East Jaiñtia Hills District.

Hachwa wow booh ya ki syntu ha tre kjat yong utai u motdur sahkynmoo maya yong u Kiang Nangbah da ki dkhot yong ka AJYWO-EJZ, ka seiñ kam ka dak wa kynmoo maya tympang ko yow tai u khlawait wa chyrkhei yong ka Ri Pnar uwa da pynchah dei rdang yong oo neibynta wow pyn laitlooid ya ka Ri Jaiñtia nei synchaar embor yong ka sorkar phareng, da pynman yaka yalang wa khian.

Neilaing u Heatermoon Ryngkhlem da e u yei klam wa tbiañ hajrong ki kaam wa khroo yong utai uwa yaleh laitlooid wa khroo yong ka Ri Jaiñtia neibynta ka ri Jaiñtia, wei heijooh i por leh da pynman ya i ya suki iwa chi minit, hadien neitea pynbood won ka seiñ sa dei ya booh syntu yonglang na ki dkhot yong ka.

Share this:
Previous

Phooh ka leh warom ka SKSR-12 Daloi yaka lyngkhooh sngi yap wa 158 u Kiang Nangbah

Next

Khang ka Narwan ya kiwa na baar wow wan lehkmen snem thymme hapoh ka chnong