Kynmoo warom ka dorbar chna aiñ ka jylla ya u Dr. Donkupar Roy

Shillong: Ki dkhot ka Meghalaya Assembly ynne ka sngi da kynmoo warom ki ya u Lamphang warim u Dr. Donkupar Roy haka sngi nyngkong ka yung dorbar chna aiñ ka jylla kamjooh ya kiwi kiwa da khlaad kiwa jooh em haka kaam saiñhima sima hapoh ka ri kiwa da khlaad ha kini ki 6 bnai.

Da sdang ya ki kyntien sñiawlem da u montri rangbah u Conrad K Sangma uwa da kynmoo ya u Dr. Roy kam u montri rangbah ha u snem 2008-09, heipor wa oo (Conrad) ksoh u yaka kaam poisa.

Katkam wa ong u Conrad, da yoh yarap u chiboon na u Dr. Roy chaphang ka kaam poisa. Wei kam u Lamphang won man u uwa ym jooh yachah chilliang wei da yahluti u leh ya ki MLA kiwa dang jop nyngkong khlem da pait na kawon ka Party wan ki.

Da ong u leh wa u Dr. Roy man u kam u pa ka Meghalaya Democratic Alliance (MDA), heiwa da wanrah lang u ya waroh ki Party wa em hapoh ka MDA, yow pynsñiawthooh yumut lang yow ye u yakrehlang. Ini da booh ko yaka yurim wa khlan hapyrdi waroh ki Party wa yakrehlang.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Neiliang uwa yahkhmat ka liang pyrchah, u Dr. Mukul Sangma, da khana u hakhmat ka dorbar wa da tipmit u ya u Dr. Roy nadooh u snem 1993. U Mukul da jop nyngkong u yaka Election MLA ha u snem 1993 katwa u Dr. Roy da jop u ha u snem 1988, kam ki kyrtong samen.

“Ha u snem 1993 da em i 12 ngut ki MLA samen. Kamtæ kam ka kynhun da man i kiwa yajan bha,” da ong u Mukul.

Da ong chooh chooh u wa lada em ki ha i pyrchah haka kaam synchaar khadar tangwa man bait ki chilok.

Da kynmoo u leh ya i por wa man ki kam ki Deputy Chief Minister hapoh u Dr. DD Lapang.

U Mukul da kdaw u leh wa ha kiwa boon ki por wa chem ya ki eh wa boon jait tangwa dei em u Dr. Roy da chem ki ya ki laad ki luti wow lait na i eh.

Ka Congress MLA na East Shillong, ka Ampareen Lyngdoh da ong ko wa hanlada u Dr. Roy man u u bru wa jem ktien tangwa man u u bru wa tip yeiwa kwah u ong.

Da ong ko leh wa man u u bru uwa kwah ya ki Party ri-loom wow em ki i bor heiyatoh ki kaam synchaar hapoh ka jylla.

“Man u leh u bru wa ye u chynna jngai yow pynim ya ki Party ri-loom hapoh Meghalaya,” da ong ka Ampareen.