theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Kynmoo warom ka EWKH ya ka Phan Nonglait

Kam chibynta i lehburom ya ki bru chlur wa yaleh laitlooid ya ka ri ha ka lehkmen ka ri India ya ka Azadi Ka Amrit Mahotsav, ka North East Zone Cultural Centre (NEZCC), Dimapur kawa man ka chnat krehkaam yong ka chnat pynneh riti ka sorkar India deiwa ya krehlang waka chnat pynneh riti yong ka sorkar jylla Meghalaya da pynman ynnin i janmiet ya ka yalang kawa da e pyrtuid “Ka Phan Nonglait- Tribute to Unsung Heroes” kawa man ka yalang wa da em ki sur maya ri, ki chaad tynre wa ka Drama ha chnong Nongrmai, Eastern West Khasi Hills District kawa man ka chnong wa da pun da kha wei da pynheh pynsan ya ka bru chlur wa yaleh laitlooid ka ri, ka Phan Nonglait.

Ha kani ka yalang, u Deputy Commissioner yong ka Eastern West Khasi Hills District, u W. Nongsiej da man u kam u kongsan deiwa ya emlang u Syiem ka Hima Nongkhlaw, u Pa’iem P.M. Syiemlieh, u Montri ka Hima Nongkhlaw, u Boldness L Nongum, ka Assistant Director ka chnat pynneh riti ka sorkar jylla, ka D. Kharjana, kiwi de ki sahep sorkar, uwa yasaaid aiñ hapoh ka Supreme Court ka ri, uwa thoh leh ya ka kot “Ka Phan Nonglait-A Lady Freedom Fighter of India”, u Daniel Stone Lyngdoh Nonglait, u Sordar ka chnong Nongrmai, u S. Nongrang, ki dkhot yong ka kur Lyngdoh Nonglait, ki khynnah skur wa ki paidbah ka thaaiñ.

U Deputy Commissioner hawa e yei klam da khana u yei parom yong ka Phan Nonglait wa ki kaam wa khroo wa da yaleh ko pyrchah ya ka sorkar pharæng wa i chimkhia yong ka leh hajrong i chah thombor ki kynthai khynnah wei da kyntu u leh ya waroh kiwa da sakhi ya kani ka yalang wow chon hei pyrkhat yong ki ya kini ki kaam chlur yong ka Phan Nonglait deiwa pynneh pynsah ya ka riti dustur wei wow yieñ pyrchah leh ya kiwon kiwon ki kaam thombor pyrchah ya ki kynthai.

Ha kani ka yalang da yoh leh wow sakhi ya ki rwai maya ri wa i chaad tynre na kiwa em sap waphær waphær ka Eastern West Khasi Hills District wa na kitu kiwa da wan na ka nongbah Shillong leh kamjooh.

Da pynphooh pynphieñ wei pynchongkhia chooh chooh ya kani ka yalang kynmoo warom ya ka Phan Nonglait da ka Drama hajrong i im wa i yakhun yong kani ka bru chlur wa yaleh laitlooid wa da pynkhreh da ka Lapdiang Syiem wa ka kynhun yong ka.

Share this:
Previous

Da pynlait ka sorkar pyrdi T. 272 klur neibynta kiwa sikai SSA

Next

500 ngut kiwa daw yoh myntoi na ka Scheme ri khon sniang ha Mawryngkneng Constituency