Ki pulit ka Gurugram deilang ka Haryana State Commission for Women, da lai kynreh ki ya 18 tylli ki Spa Centre wa em ha Sapphire 90 Mall ha Sector 90 ynnin i miet heiwa katkam wa chem da em 8 tylli kini ki Spa kiwa da suba kiwa leh ya ki kaam pyrchah aiñ.
Yeini i lai kynreh da leh nadooh 10:00 waje i miet hadooh 3:00 waje i step deiwa emlang ka Usha Priyadarshini, Chairperson ka Haryana State Commission for Women deilang ki bru ko, u Magistrate wa kamwa 100 ngut ki pulit wa kynthup ya 20 ngut ki Inspector wa Sub-Inspector kiwa da lai pynman yei kynreh heijooh i por.
Ki pulit da chem ki leh wa em kamwa 30 ngut ki kynthai wa 20 ngut ki chynrang ha kini ki spa wei da kylli takit ya ki yow chemdien iyi krum ki ha kini ki Spa wei da kem leh ya ki kot ki sla, ki tiar ki tar.
Ki pulit dang takit ki yow tip lada em leh kiwi de ki bru wa emkti ha ini i kaam najrong kini kiwa chah kem.
Da lai kynreh ya kini Spa neidaw wa da suba wa em ki kaam pyrchah aiñ wa leh ha kini ki thaw heiwa da em ki Spa kiwa da khang na lait tangwa manda wai ki da chem wa em ki chynrang wa ki kynthai hapoh.
Discussion about this post