15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kynreh syndet ka seiñ kamai kari Jowai-Shillong ya kiwa kit palat pood

Advertisement ad1

Ka seiñ Jowai Shillong Tourist Cab Association, (JSTCA) ynne i janmiet da pynman ko yei kynreh wa syndet ya ki kari kamai na Jowai-Shillong ha Yingkieñ Myntdu wow pyntikna wa ym em ki kari kiwa kit palat pood (Over Capacity) katkam ka hukum ka sorkar wa ki rai ka seiñ kam chibynta yong i yada na ka khlam u COVID-19.

Ha ini i kynreh da yahkhmat da u President ka seiñ, u Anthony Pohshna; Secretary u J. Lyngdoh wa kiwi ki dkhot ka seiñ wei ini i kynreh toh du neibynta ki kari kiwa em hapoh ka lama ka seiñ ya kiwa jooh pynyieñ kari ha Indica Stand namo ka Jowai Police Point.

Advertisement ad1

Hawa yaklam wa u Anthony, da ong u wa i daw wa pynman ya ini i kynreh wa syndet toh hadien wa yoh ka seiñ chiboon ki ujor na ki paidbah heiwa heipor janmiet ki kari kamai kit ki palat ya i pood wa da booh iwa 3 ngut (4 ngut wa uwa yaah). 

Da pyntip u leh wa kiwon kiwon ki kari kamai kiwa em hapoh ka seiñ kiwa dang pteiñ u tyngkheiñ ya kani ka hukum wa i dor wa da booh iwa T. 300 samen ye ki wow chah pynchitom heiwa daw chah phah sangeh kamai ya ki hadooh kamwa 2 tayaw. 

Da kyntu u leh ya ki paidbah wa lada chem ki wa kiwa yah kiwa kit ki palat ya ki kyndon wa da booh ye ki wow phone ha ki Number u President-8415849871 wa u Secretary- 7085487463, khnang wow ye u pynchitom ya ki. 

Ynne i janmiet ya ki kari wa kit palat pood da phah ya ki bru wow su ki mar chiteiñ ka bai kari kam ka dak wow pynchitom ya ki wei neini i pynchitom won daw man i iwa rap khor.

Heiyatoh wa ini i leh ka seiñ ynne, u Anthony da pyntip u leh wa ka seiñ daw pteiñ ko wow pynman ya i kynreh wa syndet neini chaphrang neibynta i bha i miat ki paidbah waroh.

Advertisement ad1
Share this:
Previous

Da pynman ya ka Assam Rifles Martyrs’ Memorial Webinar wa nyngkong dooh

Next

Night Curfew relaxed in East Khasi Hills for Chhath Puja