Hadien wa booh kyndon ki Karbi wa yow lait nei chah pynthut kiwa chong chnong ka Lapangap hawa lai ah kba ki, hap ki wow phut ya ki dieñ wa da thung ha kini ki bnai wa dep ha Loom Moopyrdet wa Loom Pdeinphniar kiwa dang em ha Pynthor Lapangap.
Kamtæ ynne ka sngi neiliang kiwa chong chnong ka Lapangap da chong yalang ki hajrong ini i booh kyndon ki Karbi heiwa da chim ya ka rai wym phut ya kini ki dieñ hajrong ka yurim wa kini ki thaw dang haap ki hapoh ka chnong Lapangap wei kamjooh hapoh ka Elaka Shilliang Myntang.
Ynnin ka sngi ki bor District ka West Jaiñtia Hills wa ki bor District ka West Karbi Angnlong da yachem ki ha Lapangap heiwa da booh ya ini i kyndon khnang yow yoh biang yei suk i saaiñ heiwa u DC ka West Jaiñtia da ong u wa bha wow phut chwa ya kini ki dieñ yow thung ki cha kiwi won ki thaw neibhah wa dang kor u kba u khoo.
Kam wow pynkynmoo wa ki Karbi ha kini ki bnai wa da dep, da dep ki wow pyrchang boonsien wow phut ya kini ki dieñ wa da thung da kiwa chong chnong ka Lapangap kiwa da yoh ki na ki Meghalaya Basin Development Authority kamwa 5000 tylli.
Ki Karbi da e daw bait ki wym toh u thung dieñ ha ini i thaw kat wym pu ye u pynbait ya u pood.
Puræ leh: Booh kyndon ki Karbi khnang wow yoh ki Pnar u ah kba ha Lapangap
Discussion about this post