Ka Mukhla Dorbar Pyllun da pynche ko yei mih khubor wa da kam ka TMC wa em da ki hajar ngut kiwa psiah cha ka Party ha ka yalang wa da pynman ha High Winds Hotel wa em hajan ka nan Thadlaskeiñ.
Neiliang ka Mukhla Dorbar Pyllun da kyntait ko yeini deiwa ong wa ka Mukhla da em ko ya u kyrtong tre chnong uwa man kam u MLA wa katni wei da dep ki wow rai tylli wow pynyieñ biang ya oo wei wow kyrchaan tylli ya oo donhi ha ka yalang wa da dep pynman ha ka 07-12-22.
Da kdaw leh wa ka Hall ka High Winds chniam ko du hapoh 200 ngut donhi ki bru kamtæ da kyntait yei kam wa da em da ki hajar ngut ha ka yalang ka TMC i wym ye u man.
Heijooh i por da ong wa ym ye u len wa em ki kattu katni kiwa lai lait ya ka sur u paidbah kiwa man kam kiwa lai khih mylla nong sngi kiwa manda miet daw liwan hi ki jar jiar hi. Kamtæ da ong wa ka Dorbar Pyllun ngait skem ki wa kiwa lai khih nong sngi daw emlang ki chirup wa ka sur u paidbah yong ka Mukhla Pyllun.
Ha iwon won i liang da pynsñiaw leh yei sñiawsih hawa yoh u sñiaw yei klam ha katai sngi kawa ktah yei kur i jait deiwa pynrem leh ya uwa klam wa toh u sñiawbha u wow thooh tre chwa wow klam kulmar khlem da tip bha.
I pyntip na ki san waheh chnong ka Mukhla Pyllun ryngkat u President, u Secretary wa u MDC ka 5-Mukhla Constituency.
Puræ leh: Khrui mih ki paidbah ka Mukhla yow psiah cha ka TMC
