15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kyntait ka sorkar wa phah jied hapyrdi ka ILP waka Sixth Schedule

Advertisement ad1
Advertisement ad1
Advertisement ad1

Hadien i yachem khaddooh u montri rangbah ka jylla u Conrad Sangma wa u montri kaam pohyung ka ri u Amit Shah ha Delhi, neiliang u Conrad da pyntip u wa da yaklam ya kiwa boon ki kaam heiyatoh waka jylla nadooh ka MRSSA wa kiwi kiwi tangwa hajrong ka ILP ym em khana u iyi iyi leh.

Ini da wanrah ko ya kiwa boon wow kylli iyi i daw hawa lai cha Delhi yow yaklam hajrong i dawa pynkrehkaam yaka ILP hapoh ka jylla tangwa ym em won khana cheiwon poi i yaklam hajrong kani ka phang.

Advertisement ad1
Advertisement ad1

Kam wow pynkynmoo wa ha i yachem wa u Amit Shah da em leh ki heh ka chnat kaam pohyung heiwa u Shah da ong u leh wa emkaam wow pynman yaka MRSSA kawa ye u krehkaam hapoh ka ri iwa mut wa ym toh u man ko pyrchah yaki aiñ ka ri.

Ha ki kattu katni ki laad pathai khubor da em wa kam wa ka sorkar pyrdi da ong ko wa lada kwah ka Meghalaya yaka ILP ye wow chah pyndooh noh yaka Sixth Schedule lane ya ki Autonomous District Council neidaw wa ka Meghalaya da em ko leh yaka aiñ wow yada yei thaw i bhaw kawa tip kam ka Land Transfer Act, da em leh ka Sixth Schedule, yaka CAA leh da pynlait na ki thaw wa krehkaam ka Sixth Schedule wei da dawa leh sei wow pynkrehkaam sa yaka Meghalaya Resident Safety and Security Act (MRSSA). Wei lada pynkrehkaam saka ILP daw yoo la kamwa ka Meghalaya man ko pyrchah ya kiwi kiwa em ha India.

Neiliang u symbood montri ka jylla u Prestone Tynsong da kyntait u ya ini wa mih khubor wa u Amit Shah phah jied u yaka Meghalaya lada kwah ki yaka Inner Line Permit (ILP) lane yaka Sixth Schedule, deiwa ong wa da yaklam chaphang ka ILP waka MRSSA deiwa paan por leh ya oo wow e por u ya ki seiñbhalang manda poi u ha Shillong heiwa daw sah u ar sngi.

U Prestone da ong u leh daw pait kammon u man hadien i yaklam manda poi u Shah ha uni u bnai wow wan.

Share this:
Previous

Da pynkhai-im biang ya ka yaw Elaka Lakadong kawa jooh em ha Borghat

Next

Pynkup burom ka Manipur ya uwa yahkhmat yaleh pyrchah ya ki chipai China