Kyntait ka Yung Dorbar ya ka Bill u Adelbert wow pyndam ya ka aiñ yakhle

Ka Yung Dorbar Chna Aiñ yong ka jylla ynne ka sngi da kyntait ki ya ka Meghalaya Regulation of Gaming (Repealing) Bill, 2022 wa da wanrah da u MLA ka KHNAM na North Shillong, u Adelbert Nongrum.

Hawa wanrah ya kani ka Bill wow pyndam noh ya ka aiñ yakhle ka sorkar, u Adelbert da ong u wa toh u burom yei sur kiwa yahkhmat niam, kiwa yahkhmat chnong, ki seiñ bhalang wa kamjooh yong ki paidbah.

Da ong u wa lada ka sorkar ka sñiaw emkaam ko wow kyntu yei yoh lum dan nei yakhle næ ka sñiaw ko wa emkaam wei wow ap u burom yei sñiaw yong ki paidbah ka jylla, wei wym toh u pyntlot ya ka Meghalaya Prevention of Gambling Act, 1970.

U Lamphang ka yung dorbar chna aiñ, u Metbah Lyngdoh da paan u yei mynjur na waroh ki dkhot MLA deiwa e jubab deiwa kbai ‘Voice Vote’ heiwa ka yung da sawa ko da i ‘No’ wa ym pdiang ya kani ka Bill wa da wanrah da u MLA ka KHNAM, wei u Lamphang da pynbna u wa da kyntait ya kani ka Bill da ka yung dorbar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Puræ leh: La le tylli ki License wa chipor da e ka sorkar yow booh ya ki thaw yakhle