Kyntait kiwa chongdai madan yei pynbaad wa khang luti ki ya ki kari wa lai tympleh diñ

Ka seiñ kiwa chongdai madan wa tip kam ka Meghalaya & Greater Shillong Progressive Hawkers and Street Vendors Association da pynsñiaw ko yei sñiawsih wei sñiawlem ya kiwa ha-yung yong ki Singhania kiwa da dooh noh yei yung hei diñ iwa da jia ha ka 14 tarik.

Ka seiñ da phah ko leh yei sñiawlem cha kiwa ha-yung yong uwa khlaad na ini i iñ yung wa yoo chyrkhei.

Heijooh i por ka seiñ da pynsñiaw ko yei diaw wei pyrchah joor yei pynbaad yong ki kattu katni wa kiwa chongdai madan da khang luti ki ya ki kari tympleh diñ hadooh wa yoh laad i diñ wow baam lut yei yung. Ka seiñ da ong ko wa ym ye wow pdiang ya kam kini ki pynbaad ki wym chong nia.

Ka seiñ da ong ko wa ki bor District toh u pait ki yei rukom man ka sor Shillong katni nei rukom chna yung wym yoo tipsap de wei toh u takit leh yei rukom chna yung chna dukan hadooh wa da khynnia ka chnong ka thaw ym du ha Khyndailad tangwa ha waroh kawi ka nongbah.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Da kdaw leh wa ki kini ki phaw snem wa da lai da pynsih ya ka Shillong dei rhah spah wei khwan myntoi samen kiwa khayi kiwa da leh katwa ngait yow chna yung dei wym salia wow tyngkheiñ ya ki kyndon aiñ wei ym tip de lada man ki kiwa chngaaiñ ya ka imlang sahlang kamjooh kiwa sah ha kini ki yung.

Ka seiñ da pynkynmoo wa dang ini wa dep kawi ka yung mane wa em ha Qualapaty da iñkhaw ko wei da dooh yei mynsien ki ar ngut ki bru wei ha ini wa jia ym chniam ki kari tympleh diñ wow psiah cha kani ka thaw neidaw wa joor wa khian ki sarok.

I jooh da jia ha kini ki kajiak bnai wa da dep heiwa ka skur KJP Girls Higher Secondary School wa em ha Mission Compound da iñkhaw ko wei ha ini leh ki kari tympleh diñ ym ye ki wow poi cha ini i thaw neidaw wa khian ware ki sarok.

Kamtæ da ong wa ha iwa jia ha Khyndailad ha ka 14 tarik kiwa chongdai madan wa ki dkhot yong ka seiñ da pynlang kyrraw ki wut-wut wei da kyrriah ki leh hadooh wa wan e yarap deiwa booh ya idæ hei maa.

Hajrong ini waroh da ong wa kiwa chongdai madan ym em khang luti ki wei smat ko wow yarap wei wow ya krehlang wa ki bor District yow pynman ya ka sor Shillong kawa chngaaiñ.