U MLA warim, u Bindo M. Lanong da kyntait u yeiwa em wa ong wym em kyrchaan u ya ka khon u, ka Deiti Majaw, ha kani ka Election MDC wa dang dep deiwa pynche wym jooh pyrchah u yei yieñ yaleh Election ko tangwa da rai donhi wym lai yalap Election wei da ksoh u yeini i kular u.
Da khana u wa hapoh ka yung ka sem da sneiñ da pynyoo luti u ya ka wei da kmen u wa da jop ko wei man ko leh kawa da heh da san, ka bei yong ki ar ngut ki khon najrong wa man ko kam ka muktiar.
Ka khon u da jop ko kam ka MDC ka VPP na Laitumkhrah-Malki, wei da ong u wa ka toh kawa tip bha chaphang ki kaam saiñ hima sima neidaw wa da heh da san ko ha ka yung wa em ha ini i kaam wei da jop ko dei bor yong ka khlem da lai yalap Election u neibynta yong ka.
Da khut u leh ya ki MDC wa thymme ka Khasi Hills Autonomous District Council (KHADC) wow pynneh yei chaniah ki bru ha ki.
Da pdiang u leh yei kyrchaan ki bru ya ka VPP, deiwa ong kattu chong ha ki wow wanrah ya ka synchaar wa khooid khamtam ha kini ki por wa da yoh da kiwa mihkhmat wa thymme.
Discussion about this post