Kyntait u Conrad yei kam u Dr. Mukul wa du ka Congress wa tynyap ya ka CAB

Shillong: U Montri Rangbah ka jylla u Conrad K Sangma da kyntait u wa i yap ka CAB toh du neidaw wa em ka Congress. Hawa yaklam wa ki laad pathai khubor ynne ka sngi, u Conrad da ong u wa ym kwah u wow e burom ya kiwon kiwon khamtam ha kani ka kaam wa ktah ya ki paidbah waroh ka thaaiñ mihsngi.

Da ong u wa ym kwah u wow leh Politics ya kani ka kaam yap kaam im yong u paidbah tangwa tip u wa ym du ka Congress wei da em leh kiwi kiwa em bynta wow tynyap ya kani ka Bill.

Da pteiñ u deiwa ong wa i jop da yoh dei ya tylli wa i krehlang ki paidbah, ki seiñ saiñ pyrthai nadooh kiwa em haka liangsynchaar wa kiwa em haka liangpyrchaah wa ki seiñbhalang.

Da ong u leh waka NPP em ko haka NDA neibynta ki kaam pynroi ym du wow kyrchaan thlah wei i kyrchaan man ko katkam i kwah ki paidbah wei ha kani ka yurim ka NPP ka em ko waka NDA wa yahkhmat da ka BJP.