Deiwa kyntait yei em wa pynmih khubor wa ka sorkar daw pyrchang ko wow pynkylla ya i rta chong-ngiah ki wakreh sorkar cha ka 50 snem, u Union Minister of State (Independent Charge) Ministry of Development of North Eastern Region (DoNER), MoS PMO, Personnel, Public Grievances & Pensions, Atomic Energy and Space, u Dr. Jitendra Singh da klam che u ynne wa ym em kam ini i pyrkhat haka sorkar wow pynduna ya i snem ki wakreh chwa wow chongngiah ki ha kiwon kiwon ki kyrdan yong ka sorkar.
U Dr. Jitendra Singh da ong u wa ha kini ki kajiak sngi da mih boonjait ki khubor thok wa bakla ha ki kattu katni ki laad pathai khubor kiwa da kam wa pynmih daka sorkar kam naka chnat DoP&T. Wei ini da hap ma hap wow pynche daka sorkar yow lait ki paidbah wow klumar. Da ong u leh wa ha kam kini ki por man ko kawa sñiawsih heiwa ka ri waroh kawi dang em ko haka thma pyrchah ya u COVID-19 wa mih sa ki khubor wa ktah yei pyrkhat pyrdaiñ ki paidbah iwa leh da ki kattu katni ki bru wa kwah wow pynbood naam yaki kaam wa bha wa leh daka sorkar hapoh i yahkhmat u PM Modi.
Da khana u leh wa neidaw ka Lockdown, ka DOPT da pynyinsur ko leh yaki tarik khaddooh wow pyndap yaka Annual Performance Appraisal Report (APAR) wa toh u leh daki sahep sorkar.
Heijooh i por da pynkynmoo u waka UPSC leh da rai ko wow pynyinsur yaki tarik wow pynman yaka IAS/Civil Services Interview/Personality Test hadooh ka tarik ka Civil Services Preliminary Test kawa daw pynman du hadien 03-05-20, ka SSC leh da pynyinsur ko yaki tarik jied bru wakreh ko.
Heiyatoh won waka Department of Personnel, u Dr. Jitendra Singh da ong u wa ha kani ka tayaw wa da dep da mih ka khubor thok wa ong waka sorkar da rai ko wow pynduna 30% yaka Pension yong kitu kiwa da em 80 snem i rta. Tangwa ini man ko mar dei khangtleiñ neibhah hadooh ka 31-03-20 ym em leh uwi wa yoh Pension wa dooh yaka poisa kawa da poi bait chapoh ka Account yong ki. Ym du ini, da pynemkaam leh yaka Postal Department wow li e ko yaka Pension cha yung kiwa baam Pension.
Discussion about this post