Kyntait u Justine Dkhar yeiwa pynbaad ka MPUF pyrchah ya oo

Jowai: Hadien wa mih khubor na ka seiñ MPUF wa ong wa da pynemkaam bakla yaka MLA Scheme wa tip leh kam SRWP hapoh ri-loom Jaiñtia hakani ka tayawa dadep neiliang u Justine Dkhar, MLA – Khliehriat 6 da pynsñiaw  yei mynsien sñiawngooh ya ka Meghalaya People United Front neibynta wa da chimkhia ko wow tip yei rukom pynemkaam ya ka MLA scheme yong oo (Justine).

U Justine da pynche u wa ka Special Rural Work Programe (SRWP) Scheme toh ka scheme wa da phah ki MLA ya ka proposal ryngkat wa ki plan wa ki estimate ha ki thaw wa emkaam ki paidbah næ kiwi kiwi wei ymtoh i kaamram yong oo wow pynkrehkaam (implement) ya ki.

“Neiliang yong nga da phah O yaki proposal cha ki tnat emkaam wei manda dep Sanction u phah chapoh ka DRDA yong ki District wei na ka DRDA daw phah won ko cha ka office u BDO neibynta wow e ya ki Work Order” da ong u justine deiwa pynrap wa u MLA ym embynta u wow pynkrehkaam ya ki Scheme, toh kiwa yoh myntoi lyngba u BDO wow pynkrehkaam ya ka proposal wa phah u MLA.

Hei yatoh wa i e scheme ya ka Ambrose Memorial School T. 5,35,000 neibynta wow chna ya ka Basketball Court da ong u man i iwa sakhiat wei oo leh emhok u wow phah proposal neibhah wa kani ka scheme toh kawa emkaam leh ki khynnah wei pynemkaam hok yaka deiwa kynthah ya kiwa kitkaam ka seiñ wa chwa leh iwon iwon emkaam wow tip yeiwa sakhiat.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hei yatoh won wa ka T.2,30,00.00 neibynta u Mot Kiang Nangbah ha Khliehriat wa da e cha ka All Jaintia Youth Welfare Organisation (AJYWO) yeiwa da pynkrehkaam wa ka Office u Deputy Commisssioner, EJHD, u Justine da sñiaw phylla u wow yoo wa ymtip kiwa file RTI wa heiwon e u ya kani  ka scheme. Katkam wa tip u toh ka Office u BDO dadep booh lut ko ya waroh ki record hei yatoh waki scheme yong oo nadooh u 2013 hadooh katni.

Hajrong iwa pynbaad u D. Laloo, President ka MPUF won wa wiar poisa wa kynjooh hadooh T. 1,791514 (chi klur ynñiaw lak tam) u Justine da ong u wa kani ym kan ko kawa sakhiat neibhah kawa dang sah toh ka Second/Final Instalment yong ki wow yoh myntoi heiwa dang pynkreh ya ki hadooh katni kiwa ympu em u submit cha ka Office u BDO.

Hei yatoh won wa ka T. 36,00,000 neibynta ki kaam Civil Work, ka office da e lut ko ya ki Work Order cha kiwa toh u yoh hok wei da kyrpaad u leh ya ka MPUF wow thooh bniah chwa wow pynbaad ko ya kiwon kiwon.