U Montri ki Kaam Pohyung ka jylla, u Lahkmen Rymbui da kyntait u wa i chah tympdung bomb ka Police Reserve ha Khliehriat ym mut i wa thkoh ki bor pulit deiwa ong wa nei krehkaam wa smat da ye u kem ya uwi du hapoh chi sngi wei ymye wow ong chwa yei wow jia.
Hawa kylli ynne ka sngi, u Lahkmen da ong u wa hadien i chah tympdung bomb neiliang ki Bomb Squad wa ki Crime Scene Unit da hiar ki wut-wut na Shillong, wei ynnin ka sngi ki pulit da yoh kem ki 2 ngut kiwa suba emkti ha ini i kaam wei i takit dang lai i chaphrang.
Hawa kylli won wa lada kini toh ki dkhot ka Hynniewtrep National Liberation Council (HNLC), neibhah wa kani ka seiñ da kam ko yei emkti ha ini i kaam, neiliang u Lahkmen da ong u wa ki pulit kattæ dang bichaar ki liang wanang yeini.
Da ong u leh wa toh iwa sakhiat wa ka HNLC da kam ko wa leh ko ya ini i kaam wei waroh ini da ye u pynsakhiat manda dep i takit.
