Jowai: U Lat ka jylla u Tathagata Roy da kyntait u yei tyrwa ka sorkar jylla wow pynkrehkaam yaka Administrator’s Rule ha KHADC hadien wa haap ka United Democratic Alliance (UDA) wei da chna noh yaka United Democratic Forum (UDF) kawa da pynyieñ CEM da u Latiplang Kharkongor u MDC ka Nongthymmai uwa da jop khlem em wa pyrchah ya oo.
Ini i rai u Lat da pyntikna ko wa ka Executive Committee u Latiplang daw ye ko u krehkaam ha kini ki sngi wow wan haka Council.
Kam wow pynkynmoo wa ka sorkar jylla da phah ko cha u Lat ka jylla u T. Roy neibynta wow dawa pynkrehkaam noh yaka synchaar Administrator Rule ha Khasi Hills Autonomous District Council (KHADC) neidaw wa mih i huri hura ka saiñ hima sima kawa da wanrah ya i wym skem ka synchaar ka khadar.
I haap ka EC u Teinwell Dkhar ka UDA wa kynthup yaka UDP, NPP, HSPDP, wa u MDC Samen da jia i hadien wa u Chairman ka KHADC u PN Syiem da e u yaka Vote yong oo cha ka liang pyrchah hadien wa da yoh Vote mar 14.
Ini da wanrah ko leh yaka NPP wow pyrkhat yow pynchitom ya u PN Syiem uwa man leh u MDC ka NPP yei kyrchaan u yaka No Confidence Motion wa wanrah daka Congress.
Discussion about this post