Kyntait u Prestone yeiwa pynbaad ka Congress wa emkti ki bru sorkar wow chalan mooyong

Shillong: Ka sorkar Meghalaya Democratic Alliance (MDA) wa yahkhmat da ka NPP da kyntait ko yei chah pynbaad da ka liang pyrchah wa i pteiñ ka kam tih mooyong pyrchah ka aiñ toh neidaw wa embynta lang ki bru wa em ha ka sorkar.

“Nga kyntait O ya waroh ki pynbaad wa emkti ka sorkar MDA ha ka kam tih mooyong pyrchah ya ka aiñ næ wa em yatoh wa ki damok wa tih mooyong kamwa da pynbaad da ka liang pyrchah. Man hi ko ka kaam ka liang pyrchah wow thooh daw wei i ym em sniawphær i ya ini,” ong u Prestone hawa yaklam wa kiwa thoh khubor ynne ka sngi.

Da ong u leh wa nadooh u snem 2014 wa da khang ka National Green Tribunal (NGT) wow tih mooyong wa da man ko pyrchah ya ka aiñ kamjoooh wow chalan mooyong nadooh wa synchaar ka Congress wei ka khayi mooyong pyrchah ya ka aiñ da em ko nadooh ki por ka Congress katwa katni won da pynbaad cha ka sorkar MDA wa i wym sniaw yahap neibhah nadooh ki por ka Congress leh da chah kem kiwa kahyi moyong tooh.

Chooh chooh da ong u wa ka sorkar MDA chimkhia hi ko ya ini wei da pha ya ki DC kamjooh ki SP wow chimkhia ki ya kani ka kaam.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hei yatoh won wa i ong u State President ka NPP Meghalaya wow thung ya ka takit wa laitlood yeiwa jia ya ka Agnes Kharshiing wa ka lok ko ka Amita Sangma ha Shohshrieh, East Jaintia Hills District, neiliang u Prestone da ong u wa ka sorkar daw bichaar bniah chwa wow chim ya ka rai hei yatoh wa kani ka kaam.