U Speaker ka Meghalaya Legislative Assembly, u Thomas A. Sangma, da kyntait u yei dawa wow Disqualify ya ki 8 ngut ki MLA ka UDP kiwa da psiah noh cha ka BJP heiwa ya ka Petition da booh da u President ka Party, u Metbah Lyngdoh.
U Speaker nyngkong da phah u ya ka UDP wow booh biang deiwi ya kani ka Petition deiwa kdaw ya kiwa boon wa duna deiwa e por hadooh ka 14 tarik wow leh yeini tangwa manda e biang ya ka da chem wym em biang ko katkam wa da kdaw hapoh ka Rule 6 ka Members of Meghalaya Legislative Assembly (Disqualification on Ground of Defection) Rules, 1988.
Ha ka Petition ym em da khana yei pyrtuid ki bru wa da e yutip, ym em ki kot ki sla leh kam ki sabut wei da pynemkaam da ki kyntien wa klam ki heh ka BJP da kiwa mih ha khubor donhi khlem da khana bniah.
U Speaker ym em leh pdiang u ya ki khubor wa da mih kam ki sabut.
Discussion about this post