U Secretary ka Meghalaya Legislative Assembly da pyntip u wa u Speaker, u Thomas A. Sangma da tipmit u yei lai psiah ki 8 ngut ki MLA ka UDP cha ka BJP.
Kam wow pynkynmoo wa kini ki 8 ngut ki MLA ka UDP da psiah ki cha ka BJP ha ka 23 tarik u bnai September ha New Delhi kiwa kyntup ya u MLA ka Amlarem, u Lahkmen Rymbui, u Kyrmen Shylla MLA ka Khliehriat, u Olan Sing Suin MLA ka Mawsynram, u Pius Marwein MLA ka Ranikor, u Synsharkupar Roy Lyngdoh Thabah MLA ka Sohïong, u Mathew Beyondstar Kurbah MLA ka Mawphlang, u Balajied Kupar Synrem MLA ka Shella wa u Mayralborn Syiem MLA ka Nongpoh.
U Speaker da ong u wa yeini da tipmit katkam ka Paragraph 4 ka Tenth Schedule ka Constitution ka ri India.
Da pyntip leh wa da ini, ka UDP kattu da em ko 4 ngut ki MLA hapoh ka Assembly katwa ka BJP won da em ko 10 ngut.
Discussion about this post