Ka MP na Tura, ka Agatha Sangma ynne ka sngi da e dorkhat ko cha u Montri ka chnat puræ puthi ka India, u Dharmendra Pradhan heiyatoh wa ka thaw yaleh namo ka Exam Centre ya ka Common University Entrance Test (CUET) neibynta ki kyrdan puræ Under Graduate ha Tura, West Garo Hills.
Ha ka dorkhat ka Agatha da kdaw ko wa kani ka CUET neibynta u snem 2022-23 lyngba ka Online u man ko ha ka tayaw wa nyngkong wa uwa ar yong u Naiynñiaw 2022.
Chooh chooh da ong ko wa ha Tura ym em booh ya ka thaw thoh ya ka Exam CUET.
Hajrong ini da kyntu ko ya u Montri wow phah ya ka National Testing Agency wow chimkhia deiwa booh ya kawi ka Centre ha Tura.
