Ka chnat i chait i khiah ka jylla Arunachal Pradesh neidaw wa chem chitom ko wow pyndep yaki Test heiyatoh wa u COVID-19 khamtam ya kiwa liwan ki wym hoi u dam u pyndep yei leh Test, kamtæ ka chnat da kyntu ko ya kitu kiwa dang neh cha baar ka jylla wow yang chwa ki u liwan yung.
Deiwa e boon ki daw, u IDSP State Surveillance Officer u Dr. L. Jampa hei pynlait khubor da kyrpaad joor u ya kitu kiwa dang sahkut cha kiwi ki jylla wow yang chwa ki wei wow pynslem yei liwan ki.
Da pyntip u wa 5600 naki 11000 kiwa da thap pyrtuid Online da liwan ki na kiwa boon ki bynta ka ri, iwa da wanrah yei yukit wa khia yaki Laboratory wow pyndep ki yaki Test hadooh wa kattæ dang sah boon tylli ki Test kiwa ym pu ye u pyndep.
Da ong u, “Da kyntu i ya ki wakreh hapoh Laboratory wow leh smat ki yei kaam yow ye u pynkhreh yaki tayaw wa daw wan”.
U Dr. Jampa da pyntip u leh wa uwa dang yoh ya u COVID-19 da em u hapoh ka COVID Care Center katkam ki kyndon.
Neiliang u Health Secretary da ong u wa yaki 23 tylli ki Sample yong kitu kiwa liwan na Delhi daw tip yaka Result myntu i miet.
Ki Testing Lab ha Naharlagun- TRIHMS wa IRL da kreh ki 24×7, da Test 400 tylli ki Sample chi sngi da pyntip chooh chooh u Health Secretary u P. Parthiban.
Discussion about this post