theme-sticky-logo-alt
theme-logo-alt
Advertisement ad1

Chiteiñ synyaw chah pynjæd pynpra 3 tylli ki yung ha Sohmynting nei oor khyndaw

Jowai: I joor  u slap deilang waka lær wa joor ha kini ki kajiak sngi da wanrah ko yei chlai um, i jæd i pra wei oor khyndaw ha kylleiñ ki thaw wa kynthup ha Jowai wa cha kiwi ki chnong ki thaw.

Heiyatoh wa ini, ynne i step synyaw, 3 tylli ki yung ha chnong Sohmynting, West Jaiñtia Hills District da chah ktah ki nei oor khyndaw wa kynthup ya i yung yong ka Dim Pyrtuh, ka Sino Pohleng wa ka Lakyntiew Pyrtuh tangwa embhah ym em bru wa mynsoo.

Katkam ka khubor wa yoh lum, da ong wa yoosar toh i pynyait wa stad u Blai yow lait u jia iwon iwon i sñiawsih, heiwa ynnin i miet ym em bru de wa sah ha waroh le tylli ki yung lait noh u kurim ka Lakyntiew uwa em samen ha yung heipor wa jia.

Napyrdi kitai ki manyung em kiwa lai sah cha yung bei em won kiwa lai sah cha yung ki para marjan neidaw wada em chwa ki yei syier mynsien.

Hei yaklam wa ka Lakyntiew, da khana ko wa heipor 2 waje i step synyaw u kurim yong ka da sñiaw u yei ood ki khyndaw wa ur wei heitæ wot yut u cha yung ki para marjan wei da lait u nei chah ktah.

Kamtæ hadien waki lok ki jor ki pra marjan da tip ki yeini i jia, dang step da ya lai mih ki cha kitai ki yung wa chah ktah yow yarap pynlum pynlang wei yarap kit yaki tiar ki tar wa kynthup nadooh u khoo wa kiwi.

Advertisement ad1
Share this:
Previous

Kyntu ka chnat Health ka Arunachal ya kiwa liwan wow yang chwa

Next

Tymmoh lut ka wah Myntdu yaki pynthor ka Jowai