Jowai : Ka Seiñ Hynniewtrep Achik National Movement (HANM) EJH da pynsniaw ko yei sniawkhia mynsien wow yoo ya ki paidbah ka jylla Meghalaya wa chem jinjaar ki heiwa da hiar ka yaw ka hat hadooh wa em ki khon ki kti wa lai puræ cha bar wa hap ki u liwan yung neidaw wa chah khang u mooyong.
Kamtæ ka seiñ da kyntu ko ya ka sorkar Congress kawa synchar ha Meghalaya wow thooh laad thooh luti ko yow wai noh yow mooyong yow yoh ki paidbah u kamai jakpoh kamwa jooh leh nadooh mynchwa wei lada ka sorkar u Dr. Mukul Sangma ym chimkhia ko yeini da pynyo che wa kiwa mihkhmat yong i khamtam kiwa sah cha sor wa ym em i bah khlieh ki neibynta u paidbah.
Kamtæ ka seiñ ka kyntu ko ya ki mihkhmat yong i wa toh u mih ki cha khmat wow dawa na ka sorkar wa ka toh ko u leh yeiwa emkaam wei wym hoi u chong kli kti neibhah ini toh i kaam yap kaam im kiwa chong chnong ka jylla.
Chooh chooh ka seiñ da ong ko wa kiwa mihkhmat yong i ym toh u kohngooh ki yow yi yow yi wei toh u man ki kam ki wa yasaid ya u paidbah neibha kamwa man katni waroh ki wa mihkhmat ym pu em ki iyi iyi leh i bah khlieh khmatam kiwa em ha sor.
Kam ka seiñ wa pait ya i bha i miat yong u paidbah ka jylla da ong ko wa ka sorkar toh u thooh laad smat ko yow yoh noh ki paidbah wow kreh kamwa jooh man.
Discussion about this post