Jowai : Ki dkhot ka HYC kiwa kynthup ya u President wa u General Secretary ka HYC Central Executive Council deilang wa u President ka HYC, West Jaiñtia Hills u Daman Lathong wa u General Secretary Mewathi Suchiang ka Laskeiñ Block Unit ynne ka sngi da yachem ki wa u CEM ka JHADC u ma Thombor Chiwat.
Ha ini i yachem wa u CEM ki dkhot ka HYC da ban joor ki yei emkaam u pynbiang noh ya u pood u ang ka ri-loom Jaiñtia neidaw wa ong katwa dang lai ki sngi dang lai ki thaw na Jaiñtia cha Assam deiwa dai ki paidbah cha ki bru ka Assam.
Kamtæ emkaam u pyntip noh cha waroh ki Dolloi ki Sordar hapoh ri-loom Jaiñtia yow wanrah ki ya ki map yong ki chnong ki thaw wa em hapoh i pait yong ki yow ye noh u chna ya ka map wa paka hapoh ri-loom Jaiñtia.
Neibhah lada ym leh ka JHADC kamni boon ki chnong ki Elaka ym em chimkhia ki ya u pood u ang yong ki.
Neiliang u CEM ong u wa daw chimkhia u yeini ki dawa yong ka seiñ.
Discussion about this post