Ka Aviation and Tourism Committee yong ka Indian Chamber of Commerce (ICC) da kyntu ko ya waroh ki dkhot ka Tourism Trade Associations kam ka Indian Association of Tour Operators (IATO), ka Travel Agents Association of India (TAAI), ka Travel Agents Federation of India (TAFI), ka Adventure Tour Operators Association of India (ATOAI), Association of Domestic Tour Operators (ADTOI) wa ki MICE Agents wow sangeh noh wow pynlai yaaw ya ka ri Maldives.
Ya ini da leh neidaw wa em ki Montri ka sorkar Maldives da klam pyrchah ki ya ka ri India khamtam ya u Montri Rangbahdooh ka ri, u Narendra Modi.
Ka ICC da ong ko wa lada em kiwa kylli neibhah ka Maldives, emkaam wow pynjohkhe ki ya ka Lakshadweep waka Andaman & Nicobar Island kiwa dang miat bar ya katai ka ri wei wow e nongmuna leh ya kiwi ki thaw wa em ha duriawbah Indian Ocean kam ka Srilanka, Mauritius, Bali, Phuket wa kiwi kiwi.
Da kyntu leh ya kiwa pynlai lieñsuiñ wa lai cha Maldives wow sangeh noh wow hær cha kani ka ri deiwa lai won cha Lakshadweep Island hapoh ka Udaan Scheme wei da kyntu leh ya ka FHRAI waka Hotel Association wow seiñ khih noh ki ha Lakshadweep ka wow pynmih poisa rap chiboon bar yeiwa yoh ki na Maldives.
Chooh chooh da kyntu ya ka STIC Travels wow sangeh noh wow dai wei wow pyndooh yaaw noh ya ka Maldives.
Kani man ko katkam ka Wyrta na u Dr. Subhash Goyal uwa man u Chairman ka Aviation & Tourism Committee (ICC).
Discussion about this post