Ka Jaiñtia Youth Federation (JYF) da kyntu joor ko ya ka sorkar jylla khamtam ya ka Montri ka chnat i chait i khiah ka sorkar jylla, ka Dr. Ampareen Lyngdoh wow chimkhia wei wow ap yeiwa chem chitom ki ASHA khamtam wa da sakhi wa ki ASHA da mih sarok ki wow dawa ya i hok yong ki wow pynku ya ka nong yong ki.
“Ym ye u len wa i kreh chitom ki ASHA heipor wa wan ka khlam COVID-19, wa toh ki kiwa chimkhia bha wow lai e yarap heipor wa ki paidbah emkaam jhan ki yei yarap,” da ong ka JYF.
Heiyatoh wa i dawa pynku ya ka nong, da ong wa man iwa chongnia neibhah ki kaam wa kreh ki leh man kiwa khia khamtam wa ku ki mar baam wa ha waroh ki liang.
Kamtæ neiliang ka JYF da kyrpaad ko yaka sorkar jylla khamtam ya ka Montri wym toh u suki hi-eh ko heiyatoh i dawa ki ASHA.
Ka JYF hi waroh kawi kyrchaan pura ko ya ki mat dawa ki ASHA.
Discussion about this post