Kyntu ka KHADC ya ka sorkar jylla wow pynsangeh chipor yei tih mar poh-khyndaw

Shillong: U CEM ka Khasi Hills Autonomous District Council (KHADC) u HS Shylla da kyntu u ya ka sorkar jylla wow pynmih ya ka aiñ wa chipor (Resolution) ha yung dorbar chna aiñ wow phah sangeh ya waroh ki jait tih mar (mining) poh-khyndaw hapoh ka jylla.

“Neiliang yong nga ym em iwon iwon i pynemkaam bakla ya ka poisa,” da ong u Shylla hawa yaklam wa kiwa pathai khubor.

U Shylla da pynyoo u ya ka copy yong ka Receipt and Expenditure yong u sarok Wahkaji-Mawthabah hadooh 5 Thohlakhmi, 2008 heiwa waroh ka poisa wa da yoh man ko T. 9, 25, 00,000 katwa i pynlut da tam i palat T. 4, 64, 796 iwa mut wa da pynlut hadooh T. 9, 29, 64, 796.

Kani ka poisa wa tam da su lyngba ka Security Deposit wa booh da ki contractor.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da em i pynlut poisa wow thied Hume Pipe, bai kit (Carriage Charge) ya ki Hume Pipe, wow chna ya ki thaw pynchong Hume Pipe, ki Retaining Wall, yingkieñ, Consultancy Charge, Muster Roll, wa kiwi kiwi.

Ka KHADC da chimkti ko wow chna ya u sarok wa 20 km na Wahkaji cha Mawthabah katkam ka MoU wa soi hapyrdi ka UCIL wa ka KHADC ha u Duyatra (January) 12, 2006.

Ha ka chithi na ka UCIL cha ka KHADC ha u 2008, da thoh wa ka UCIL da pynlait ko ya ka poisa T. 9.25 Klur heiyatoh wa i chna ya u sarok.