Kyntu ka KSU ya u CEM ka KHADC wow dam u e NOC chna Camp ki BSF ha Rangthong

Shillong: Ka Khasi Students’ Union (KSU) South West Khasi Hills ynne ka sngi da lai booh dorkhat ko ha u CEM ka KHADC, u Pynshngain N Syiem wow kyntu ya oo, wow dam u e No Objection Certificate (NOC) wow chna Camp ki chipai Border Security Force (BSF) ha ka chnong Rangthong, SWK Hills kawa jngai du kamwa 12 Km na Mawkyrwat.

Nachwa da em i thmu wow booh ya kani ha Mawkyrwat tangwa kani da pyrchah joor da ka KSU katni won kani ka tnat da thooh thaw ko rap hajan ka chnong Rangthong.

Hawa yaklam wa kiwa pathai khubor, neiliang u President ka KSU South West Khasi Hills, u Forwardman Nongrem da ong u wa hadien wa yoh yutip ya ini i thmu yong ka tnat chipai BSF wow booh Camp ha kani ka chnong, da lai yachem ki ya ka Deputy Commissioner ka SWK, ka Isawanda Laloo heiwa da ong ko wa man i iwa sakhiat wa em ini i thmu wei da em leh i pynbor naka sorkar wa ki tre thaw wow pynsmat u leh yeini i kaam wei wow ekti noh ya i thaw cha ki BSF.

Neiliang ka seiñ da pynsñiaw ko hakhmat ka DC, kamwa da pyrchah ko dei langær wei ha kani ka kynti leh da seiñ daw pyrchah ko ya ini i thmu. Da pyntip u leh wa kani ka thaw toh ka yong ka Kur Sanglein Basan wa ka Kur Syiemlieh Sawkpoh.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Da pyntip u leh wa ka seiñ da dawa ko na u CEM wow kyntait u ya ini i thmu neibhah wa kani ka thaw haap ko hapoh i pait yong ka KHADC (Scheduled Area) wei lada e NOC cha ki chipai daw haap noh ko hapoh i pait yong ka Cantonment.

Da ong u wa i leh yong ki tre thaw wow e cha ka BSF da tyngkheiñ i ya ka ka aiñ neibhah wa ym em yohbor ki na ka KHADC.

Heijooh i por u Nongrem da pynsñiaw u yei wym sñiaw yahaap wa kani ka Camp ki chipai wa yada ya u pood u ang ka ri u em ko hapyrdi chnong deiwa ong wa ini iyi iyi boi em iwon iwon cha lyndet ini waroh.

Ka seiñ da ong ko leh wa daw yaklam pynsñiawthooh ko yeini wa kini ki ar kur, deiwa maham leh ya ki Agent kiwa chim kabu du wow myntoi ki samen.

Neiliang uwa yahkhmat ya ka KSU seiñbei u Rapbor Nongrum da ong u wa ka seiñ da dep yoo ki ya ki thaw wa em ki Camp ki chipai heiwa nyngkong da kular ki wow wanrah skur, Hospital wa kiwi kiwi neibynta ki thaiñ tangwa ini waroh man i du i kaam buit tooh yong ki wei wow pynbiej hi-eh ya ki paidbah.

Da ong leh wa i em kini ki Camp chipai daw wanrah ko chiboon i eh i khoo ya ki paidbah deiwa e nongmuna ya ka Happy Valley (Shillong), Rangmen (Ri-Bhoi) wa kiwi kiwi.