Jowai: Kawi ka manbei wa em 50 snem wa 7 ngut ki khon da paan yarap ko na ki pulit wa ki seiñbhalang wow pynchitom ya uwa slaitbor ya ka ha ka 27-08-2018 uwa tip kam u Leias Phawa na ka chnong Musniang.
Kani ka manbei da pyntip ko wa ha katai ka sngi u Leias Phawa uwa man leh u pyrsa kurim yong ka da li paan kari ko na oo wow li booh ya ka neidaw wa da miet yow lai sah ko cha yung u khon chynrang ko uwa dang dep mih Hospital hi wot uwa sah ha Musniang Rim.
Neiliang u Leias ymbien u li booh ka kamtæ da lai ko dei kjat wei manda poi ha i thaw wa tip kam i Mooskhip iwa man iwa langam da wan bood u Leias ka nadien wei da slaitbor u ka.
Kani ka manbei da pyntip ko leh wa da pyrchang ko wow yaleh pyrchah wow kyrpaad na u Leias tangwa ym em ap u.
Da pyntip leh wa u Leias toh uwa em khon 7 ngut wei ha ka tai ka sngi ka kurim u ym em ko ha yung wa dang yang ko ya ka khon ko kawa thiah kjut hapoh Hospital.
Kamtæ kani ka manbei da kyntu ya ki bor aiñ wow pynchitom ya uni u bru wei lada yoh suk kam uni u bru cheiwon de i chngaaiñ ya ki khynthai wa ki khynnah kynthai hei lai hei wan yong ki.
Neiliang ki pulit da pyntip ki wa da kem ya uni u bru tangwa da yoh jamin noh u.
Discussion about this post