U President ka Meghalaya Trinamoool Congress Student’s Union (TMCSU), u Bansharailang Pyngrope da kyntu joor u ya ka sorkar wow pynlait noh ya ka Scholarship ki khynnah puræ.
Da ong u wa ka sorkar ymtoh u pyndooh mynsien ko ya ki khynnah neibhah kamwa man katni ki khynnah puræ ka jylla leh da kyntu ki ya u Montri Rangbah ka jylla wow pynlait noh ya ka Scholarship.
Da pyntip u wa ha ka Umbrella Scheme em kamwa 10,000 ngut ki khynnah kiwa toh u yoh mar T. 5,400 iwa kynjoh T. 64 klur chi snem, wei da pynbaad u wa katni da e T. 5,000 wa T. 10,000 du wow thied Vote donhi iwa da pyndooh mynsien ya ki khynnah.
Kam wow kdaw heini ha ka tayaaw wa da dep, u Montri Rangbah u Conrad Kongal Sangma da kular u wow pynlait noh ya ka bai baam ki khynnah hapoh chi tayaaw tangwa hadooh katni dang sahteiñ i.
Puræ leh: Daw chimpor sa kamwa 4-5 sngi wow pynlait ya ka Scholarship: Conrad
