Kyntu ka NESO ya ki seiñ saiñpyrthai wow yatylli pyrchah ya ka CAB ha Rajya Sabha

Shillong: Ka North East Students’ Organisation (NESO) da kyntu ko ya waroh ki seiñ saiñpyrthai wow yatylli lang ki wow pyrchah ya ka Citizenship Amendment Bill (CAB) ha ka dorbar Rajya Sabha khnang wow lait u man aiñ.

Da ong u wa hanlada hadooh katni ya kani ka Bill ympu mynjur ya ka ha Rajya Sabha neibhah i pyrchah wa joor na kiwa boon ki dkhot, tangwa ka dorbar daw chong biang ko nadoh 31 tarik uni u bnai hadoh ka 12 Thohlakhmi wei da yoh yutip wa ka sorkar pyrdi daw wanrah biang ko ya kani ka Bill ha Rajya Sabha.

“Ymtoh wow elaad hi-eh ya ka sorkar wow yoohbeiñ deiwa mynjur yabor ko ya kani ka Bill kawa wanrah yei maa ya ki jaitbru khian paaid ka thaaiñ mihsngi,” da ong u Samuel.

Da ong u leh wa ka NESO daw chong yalang biang ko ha ki sngi wow pyrkhat ya ki luti wow chim hajrong ka CAB.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heijooh i por da yaroh u ya ka sorkar Meghalaya wa Mizoram wa pyrchah ki ya kani ka Bill tangwa ka sorkar India ym mano ko yeitæ.

Da ong u wa ka sorkar India toh u ap ko ya kini ki pyrchah ki ar sorkar wym pdiang ki ya kani ka Bill deiwa pynrap wa ini i leh ka sorkar pyrdi pynyoo i wa kheiñ skop ko yei sñiaw ki paaid ri-loom ka thaaiñ.