Ka North East Students’ Organisation (NESO) da thoh ko cha u Prime Minister u Narendra Modi wa cha u Home Minister u Amit Shah yow e laad biang sa chisien ya kiwa yaleh UPSC Civil Service Exam wa waroh kiwi kiwa yaleh kreh Group A, B wa C ka sorkar pyrdi neidaw wa em kiwa chah ktah wa em ka khlam COVID-19.
Ka seiñ da ong ko wa ka khlam da ktah ko ya waroh kiwa em hapoh ka ri khamtam ki jylla ka thaaiñ mihsngi kiwa da yaleh ya kini ki Exam kiwa da yaleh ha u 2020 wa u 2021 wei ym chah de ya ki neidaw wa da heh rta ki kat ha u 2022 wow yakhun biang ha waroh kini ki Exam.
Kamtæ da ong wa ha u 2020 wa u 2021 da ktah bha yei pynkhreh ya ki Exam khamtam kitu kiwa sah cha jngai kiwa da chem chitom neidaw wa em ka Lockdown wei wym man chngaaiñ de i pynkhreh ya ka Exam wei da em leh kiwa da dooh ya kiwa hayung hasem iwa da ban chooh chooh yeiwa eh wa da maad ki iwa da ktah kylla ya ka mynried yong ki.
Hajrong ini waroh da kyntu ya ka sorkar India wow e laad kyrpang chisien ya kini ki wym yoh laad de ha u snem 2022.
