15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kyntu ka SAFF wow wanrah yei chongsuk ha ka jylla hapyrdi ki niam waphær waphær

Ka Shillong All Faith Forum (SAFF) ynne ka sngi da kyntu ko ya waroh ki seiñ jaitbru hapoh ka jylla wow sangeh u ngait ya ki khubor hamsaya wa pynpoor da ki bru samen dei thmu wow em i sñiaw yaphær niam wei jaitbru hapoh ka jylla.

Yeini da leh toh hadien wa da mih ha ki sngi wa ki tayaw wa dadep ha ki Social Media ki Video wa wanrah yei sñiaw yaphær jaitbru yaphær niam heiwa neiliang ka SAFF da kyntu ko ya ki paidbah wow kiar ki u pynpoor yeini i sñiaw yaphær.

Hawa yaklam wa kiwa pathai khubor, neiliang u President ka SAFF u Bishop Purely Lyngdoh da ong u wa kam kiwa yahkhmat ki niam da sñiawkhia ki wow yoo yeiwa da pynbaad pyrchah ya ki da kiwi ki seiñ neibhah ini daw ktah i yei chong chngaaiñ ha ka jylla khamtam ha Shillong.

Da ong u leh wa ka SAFF da kyntu ko ya waroh wow kiar na i ngait biej ya ki khubor hamsaya neibhah wa ha Shillong ymjooh em iwon iwon i ngait namo i lehbeiñ ya kiwi tawon ki bru wa ngait ya kiwi ki niam.

Heijooh i por ka SAFF da rai ko wow thooh tre ya kiwa pynmih ya ki khubor hamsaya kiwa ktah ya ka jaitbru wei kamjooh leh yei chongsuk hapoh ka jylla.

Advertisement ad1
Share this:
Previous

Sñiawlem ka AHPUF yei khlaad noh ka beipun Spelity Lyngdoh

Next

I sñiawngooh na kiwa ha yung ka kong Welphos Sympli