Jowai: Ka seiñ All Hynniewtrep People United Front da e wyrta sñiawlem ko ya i khlaad ka beipun Spelity Lyngdoh, deiwa ong wa kamwa ong ka ktien,”I yap ki bru waheh man i kamwa pleh ka pyrdit hei thaw wa doom”. Kamtea sakhiat, i khlaad noh yong kani ka beipun man ko i dooh wa khroo ym toh du ya kiwa ha yung ha sem næ ki kur ki jait yong ka, man ko leh i dooh wa khroo yaka ri waka jaitbru hi waroh kawi.
Kani ka beipun man sakhiat ko kawa dap kynthai hadooh wa rai skem yumut ko wow dam u chim yaka poisa kawa T. 45,00,00,000 (Soophaw san klur tyngka) wada tyrwa daka Uranium Corporation India Limited (UCIL) wow tih ya u Uranium na i thaw yong ka hadooh wa pep ka UCIL wow khloh ya uni u mar toh chibynta neidaw wym e laad kani ka beipun.
I ktien yong ka wa ong, “Ka spah ym ye ko u thied yei laitlooid yong nga” man i i ktien kyrsu thiah, i ktien e bor e mynsien ya i kiwa dang im dang sah heini ha jrong ka bei rymaw. E wa i skem yumut yong ka wa ki ktien yong ka u man i ka nongmuna wa bha ya i waroh yow lait i u man kiwa dai ri dai yaka jaitbru du neidaw ka spah pyrthai.
Ka beipun Spelity Lyngdoh man ko ka bru wa khroo; ym toh du kat yaka ri yong i, man ko ka bru wa khroo ka ri India wa yaka pyrthai hi waroh kawi.
Ka seiñ duwai ko wa i mynsien kani ka beipun u chong baam kwai i ha dwar u Blai yanom rata.
Ka kyrwoh na u C. Sungoh, Secretary wa u J. Phawa, President ka seiñ AHPUF.