15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Kyntu ka SBYWA ya ka PWD wow chna pynmiat ya u sarok RBBJ

0 Comments
Advertisement ad1

Khliehriat: Ka Southern Border Youth Welfare Association (SBYWA), Elaka Lakadong wa Rymbai, EJHD hapoh i yakhmat u NL Talang u GS ka Association ryngkat ki dkhot u E. Suchen, wa u E. Lamare, Advisor da yachem ki wa u J. Tariang uwa man kam u EE ka PWD (Road), Khliehriat hajrong u sarok RBBJ wow dawa wow chna pynmiat (repair) ya oo nadooh Rymbai chadooh Borghat khamtam ha khap chnong Lama wa hajan wow poi chnong Natbor Borghat heiwa wot ya ki kari wow ngiat leh ym lait ki neidaw wa da sih ware u.

Kamtæ ha kani ka sngi ym em yoh ka Association u yachem markhmat wa uni u sahep neibhah dang em ki kaam cha kawi ka thaw tangwa da yoh won u yaklam lyngba ka phone heiwa ka seiñ da pynsñiaw ko ha oo yei eh i khoo wa chem ki paidbah yong kani thaaiñ heiwa neiliang uni u sahep da kular u wow phah ya ki bru yong ka yung krehkaam yong oo wow leh yeiwa emkaam ha kini ki bynta kiwa ka seiñ da dawa ko.

Neitæ neiliang u Talang da pynsñiaw u yei sñiawkmen khamtam hadien wa u sahep J. Tariang da kular u leh yeiwa emkaam.

Heiyatoh won wow phah chan pynmiat ya ka chi lynter yong uni u sarok nadooh Rymbai hadooh Borghat, neiliang u EE da kular u wow pynlai ya i kaam chaphrang.

Advertisement ad1

0 Comments

Leave a Reply