theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Kyntu ka sorkar Assam ya ki paidbah yong ka wymtoh u lai cha Mizoram

Advertisement ad1

Hadien wa mih i awri ha khappood ka Assam wa Mizoram ha ka 26 tarik uni u bnai heiwa da khlaad 6 ngut ki pulit ka Assam, kat dang mih ki sngi i sñiaw yaphær dang joor i hapyrdi kini ki ar jylla.

Ynnin ka sorkar Assam da pynmih ko ya ka hukum wa ong wa da em i awri ha khappood ka jylla ha ki le tylli ki District kiwa kynthup ya ka Cachar, Karimganj wa Hailakandi.

Da ong ko wa hadien i jia ha ka 26 tarik dang em ki seiñbhalang Mizo kiwa klam pyrchah ya ka sorkar jylla Assam wa ki paidbah yong ka.

Chooh chooh da ong ko wa ki pulit ka Assam da yoh yutip ki wa em ki bru paidbah ka Mizoram kiwa rah tiar pynmynsoo kam ki suloi wa kiwi kiwi.

Kamtæ hajrong ini ka sorkar Assam da kyntu ko ya ki paidbah ka jylla (Assam) ymtoh wow lai cha Mizoram neibhah wym man chngaaiñ i.

Heijooh i por ka hukum da ong ko wa ki bru na Assam kiwa sah ha Mizoram kiwa kreh wow man ki kiwa syndong.

Share this:
Previous

I pynbait pood toh i kaamram ki sorkar jylla ym toh iwa mih neidaw ki jaitbru: NESO

Next

Da khut wow tyrwa yei pyrtuid neibynta ki Padma Awards