Hadien wa poor syndet i kjut wa ktah ya ki khmat bru wa tip kam i Conjunctivitis ha Ri-Bhoi District, neiliang ka chnat i chait i khiah ka sorkar Meghalaya da pynbna ko ya ki laad yada yow lait u yoh ya ini i kjut iwa poor na uwi cha uwi u bru.
Ini i Conjunctivitis toh iwa tip leh kam i Pink Eye, heiwa kiwa yoh ya ini daw ad wei soo ki khmat wei heijoor i poor leh mih umkhmat, ait-khmat wei booid.
Kiwa yoh ya ini i Conjunctivitis daw chem chitom ki wow chah yeiwa tyrchaaiñ ka sngi næ iwon iwon wa tyrchaaiñ, kamtæ da kyntu ya kiwon kiwon kiwa yoh ya kini ki dak ki chin wow lai pynyoo Doctor ki wut-wut yow yoh yarap kamjooh yow lait u poor cha kiwi khamtam lada ini da neh i khlem wiar boon sngi.
Da kyntu leh ya ki paidbah wym toh u lai thooh dawai ki na Pharmacy ya kam ini i kjut tangwa wow lai bait cha ki Doctor yow yoh ki yei yarap deiwa biang wa tikna yow lait u joor i chah ktah.
Yow yada na ini i kjut da kyntu ya ki paidbah wow sait bha yei kti, u pynemkaam ya ki that niam-kti kiwa khooid, ym toh wow tba yei khmat da ki kti wa tngit, ymtoh u pynemkaam lang ya ki tiar wa da pynemkaam kiwi, u dam chwa u pynemkaam Contact Lens wei lada chah ktah wow dam chwa u lai skur næ lai kreh 7 sngi.
Discussion about this post