Kamwa ka 6th Meghalaya Games 2025 da sdang ko nadooh ka 15 tarik uni u bnai, heiwa chiboon i pynyoosuk wei pynphooh pynphieñ da leh hapoh ka chnong Jowai wa kiwi ki bynta wow pynman ya ki yalehke wa boon jait.
Kamtæ neiliang ka Synjuk Waheh Chnong Jowai, khut ko yei yaksohktilang yong waroh kiwa chong chnong, kamjooh ki lok wa mih wa psiah chapoh ka chnong Jowai, deiwa ong to u man kiwa emakor emburom ha waroh ki liang. Pdiang ya ki wa wan yalehke, kiwa wan paitke da katæ ka akor wow khana pateiñ won ki cha kiwi, wa sñiawsuk ki u poi ha chnong Jowai, ymtoh dei wow chah klam hadien.
Da kyntu haroh ya waroh, wow sñaiwbha u pynneh yeiwa booh charood sarok, khamtam ki dur ki dar, ki Poster ki Flex, dei wym hoi u pynsih næ pynjæd ya ki yoh u neh i yoosuk hadooh wa kut ka Meghalaya Games.
Ka Synjuk Waheh Chnong Jowai, da kyntu ko ya waroh wow wan pynchongchit ya kiwa yalehke wa ya chimbynta ha ki Sports waphær waphær. U e bor e mynsien ya ki da ki kyntien emakor emburom.
Waroh ki khon ka Ri Jaiñtia, to yn ya em i kitkhlieh wow pynsahkhana ha ka mynried yeiwa bha na iwa bha tam ha kini ki por ka 6th Meghalaya Games 2025.
Discussion about this post